Օր 1 (նոյեմբերի 18)
Մինչ գնալը առավոտյան մասնակցեցինք ուսումնական ժամերգությունը։Վերջացնելուց հետո շարժվեցինք դեպի Դիլիջանան։ Առաջին կանգառը Դիլիջանի ,,Այբ,, դպրոցն էր։ Դպրոցում ներկայացրեցինք կրթահամալիրը, մեր ամսագրերը, թիվիները և փոքրիկ վիկտորինա կազմակերպեցինք երրորդ դասարանի սովորողների հետ(Վիկտորինան կազմակերպել էր Գուրգեն Աբրահամյանը)։ Շրջեցինք նաև դպրոցի լաբորատորիաներում։ Հետո ընդմիջեցինք և շարջվեցինք դեպի Գոշ քաղաք։ Հաղթահարելով բարձունքը հասանք Գոշի լիճ։ Ճանապարհը երկար էր, սակայն գունավոր, գեղեցիկ և աշնանային տրամադրություններ էր ապահովում։ Հետո իջանք Գոշավանք՝ շրջեցինք այնտեղ, քննարկեցինք Մխիթար Գոշին և շարժվեցինք դեպի Իջևան։ Հասանք հյուրատուն։ Պատրաստեցինք ընթրիք, զրուցեցինք, քննարկեցինք հաջորդ օրվա անելիքները և խաղացինք մաֆիան։
Օր 2 (նոյեմբերի 19)
Առավոտյան վեր կացանք, լվացվեցինք, մարզվեցինք, նախաճաշեցինք և շարժվեցինք դեպի Ծռվիզի վանական համալիր։ Վանքը հին էր, գեղեցիկ և գտնվում էր շատ խնամված և գեղեցիկ միջավայրում։ Հետո շարժվեցինք դեպի Մակարավանք: Վանքը շատ գեղեցիկ էր և յուրահատուկ, քանի որ կառուցված էր մի քանի շինություններից։ Նախքան վերադառնալը մենք տերևներով մի լավ խաղացինք նոր վերադարձանք։ Հյուրատանը ճաշեցինք, հանգստացանք և գնացինք երեկոյան Իջևանը վայելելու։ Շրջեցինք Իջևանի կենտրոնական փողոցով, գնացինք Իջևանի քանդակների սիմֆոնիա, նկարվեցինք և վերադարձանք հետ։ Ընթրեցինք և երեկոյան սկսեցինք խաղեր խաղալ։
Օր 3 (նոյեմբերի 20)
Առավոտյան լվացվեցինք, նախաճաշեցինք, հավաքեցինք իրերը, հանձնեցինք սենյակները և շարժվեցինք դեպի Երևան։Վերադառնալու ճանապարհին մտանք Դենդրոպարկ, գնացինք տեսնելու այն ծառը որը միակնե հայաստանում, իսկ ծառի անվանումն է Արջատխլենի։ Ճանապարհին մտանք Հաղարծին՝ խոսեցինք պատմության, ճարտարապետության մասին, նկարվեցինք, ընդմիջեցինք և քայլքով բարձրացանք դեպի Թաքնված ջրվեժ։ Նկարվեցինք, խոսեցինք, հիացանք գեղեցկությամբ հետո վերադարձանք Երևան։
Բարի գալուստ Մարի Աղայանի բլոգ 